شاڭخەي سوڭتې پەن-تېخنىكا چەكلىك شىركىتى قانۇنىي ئىگىدارلىق قىلىدىغان ۋە تولۇق مەبلەغ سالغان، شىنجاڭ قابىللار مەدەنىيەت تارقىتىش چەكلىك شىركىتى باشقۇرۇش-يۈرگۈزۈش خىزمەتلىرىنى ئۈستىگە ئالغان، قوش تىلدىكى «قابىللار ئىقتىساد تاراتقۇ سىستېمىسى» تۈرى رەسمىي ئىشقا كىرىشتۈرۈلدى.

    مەزكۇر تۈرنى يۈرگۈزۈش خىزمىتىنى ئۈستىگە ئالغان «قابىللار مەدەنىيەت تارقىتىش چەكلىك شىركىتى» 2017-يىلى 5-ئاينىڭ 31-كۈنى قۇرۇلغان بولۇپ، مەدەنىيەت-سەنئەت پائالىيەتلىرىنى پىلانلاش؛ كارخانا ئوبرازىنى لايىھەلەش؛ سودا ئۇچۇرلىرىدىن مەسلىھەت بېرىش؛ ئىنتېرنېت مۇلازىمىتى؛ كىنو-تېلېۋىزىيە پىروگراممىلىرىنى ئىشلەش؛ كومپيۇتېردا سۈرەت-يېزىق بىرتەرەپ قىلىش؛ تەرجىمە مۇلازىمىتى؛ كارخانا باشقۇرۇش مەسلىھەتچىلىكى؛ بازار پىلانلاش، بازار كېڭەيتىش، بازار تەكشۈرۈپ تەتقىق قىلىش؛ يۇمشاق دېتال ئېچىش ۋە مەسلىھەت بېرىش؛ كىتاب، ئۈن-سىن مەھسۇلاتلىرىنى پىلانلاش، ئىشلەش ۋە تاراتقۇ يۆنىلىشى بويىچە جەمئىيەتكە ئاشكارا مۇلازىمەت قىلىپ كېلىۋاتقان ياش شىركەتتۇر.

   شىركەت كوللېكتىپى 18 نەپەر قابىل خادىمدىن تەشكىللەنگەن، تېماتىك پىلان، بازار تەھلىلى، تەرجىمە، ئىجادىيەت، تەھرىرلىك، تەتقىقات، لايىھە جەھەتتىن كۈچلۈك ئەۋزەللىككە ئىگە. يىرىك تەرجىمىلىرىمىز، ئىجادىي ئەسەرلىرىمىز ۋە كىتابلىرىمىز ئىزچىل يورۇقلۇققا چىقماقتا…

     شاڭخەي سوڭتې پەن-تېخنىكا چەكلىك شىركىتى «قابىللار ئىقتىساد تاراتقۇ سىستېمىسى» تۈرىنىڭ دەسلەپكى قەدىمى ھېسابلىنىدىغان «قابىللار ئىقتىساد دەرسخانىسى» ئۈندىدار سالونى 2020-يىلى 4-ئاينىڭ 24-كۈنى قۇرۇلغان بولۇپ، ھازىرغا قەدەر ئىقتىسادقا ئالاقىدار 380 پارچىدىن ئارتۇق نوپۇزلۇق ئىجادىي ماقالە ئېلان قىلىندى، ئومۇمىي ئوقۇلۇشى 600 مىڭدىن ئاشتى.

   2020-يىلى 8-ئايدا، «قابىللار ئىقتىساد تاراتقۇ سىستېمىسى» تۈرىنىڭ كوزىرى – «قابىللار ئىقتىساد بىلىملىرى ئەپ دېتالى» قۇرۇلۇشى رەسمىي قوزغىتىلدى. ئەپ تولۇق ئىشقا كىرىشتۈرۈلگەندىن كېيىن، مالىيە-ئىقتىساد ئۇچۇرلىرى، پۇل مۇئامىلە ئۇچۇرلىرى، پۇل مۇئامىلە سانلىق مەلۇماتلىرى ۋە مالىيە-ئىقتىساد كالىندارى بىلەن تەمىنلەيدىغان، «نەق ۋاقىت يەتكۈزۈش خاراكتېرى»دىكى قوش تىللىق نوپۇزلۇق تاراتقۇغا ئايلىنىدۇ…